Para entrar na páxina, preme na imaxe:
Apelidos de Galicia
Unha interesante páxina con toda a información sobre os apelidos que atopamos na nosa terra. Non dubidedes en botarlle un ollo.
Para entrar na páxina, preme na imaxe:
Para entrar na páxina, preme na imaxe:
Manuel María
Galiza
Galicia docemente
está ollando o mar:
¡ten vales e montanas
e terras para labrar!
Ten portos, mariñeiros,
cidades e labregos
¡cargados de traballo
cargados de trafegos!
Galiza é unha nai
velliña, soñadora:
¡na voz da gaita rise,
na voz da gaita chora!
Galiza é o que vemos:
a terra, o mar, o vento…
¡Pro hai outra Galiza
que vai no sentimento!
Galiza somos nós:
a xente e mais a fala
¡Si buscas a Galiza
en ti tes que atopala!
Os soños na gaiola
O ano vindeiro será para Galicia un ano no que a figura de Manuel María cobrará unha grande importancia, xa que o Día das Letras Galegas estará dedicado a este poeta. Aproveitando as vacacións estivais esté é un bo momento para que recuperemos un dos seus libros para rapaces: "Os soños na gaiola", editado por Xerais.
O medio cento de poemas que constitúen este volume percorren o mundo infantil galego con estructuras sinxelas e rítmicas. Abren o libro dous poemas dedicados a Galicia. Un deles, que leva o mesmo nome, é case unha declaración de principios sobre o noso país para os nenos e nenas.De seguido, e baixo o epígrafe de "O mundo", aparecen o sol, as etrelas, a lúa, o arco da vella, o mar, o río e o vento. No poema "As cousas" falan as campás, o barco, o chifre, o muíño, o ourizo, a fouce, o bolo, o foguete, o carro, o tractor, o arado."Os homes, nenos e nenas", é o título xenérico onde entran o labrego, o soñador, o afiador, a festa do patrón, os xogos, o lume novo, o pastor, a boneca, a roda-roda.Por último, dous epígrafes dedicados ós animais: o año, a bolboreta, o caracol, a pita choca, a vaca, o burro, a lebre, o galo, o gato, o lobo, o grilo, o corvo, o merlo, o carrizo, o escribinte, as andoriñas, o pazpallar, o cuco, o pardal, as pegas.Este libro é un clásico da nosa literatura infantil. O autor, nunhas palabras iniciais, di que "son versos que este humilde autor botou de menos cando el era neno. Versos que, por outra banda, non había na literatura galega e que tan preciosos son. Eu quixera encher, en parte, este oco". .Manuel María
Ao abeiro do nomeamento do Día das Letras Galegas 2016 ao poeta Manuel María, queremos enlazar coa páxina que ten a fundación que leva o seu nome. Aí poderedes atopar información sobre a súa vida, a súa obra, e moitas cousas máis. Paga a pena botar unha ollada...
Simplemente, preme na imaxe
Día das Letras Galegas 2016
Aínda comezando os días de verán cando chega a nova do Día das Letras Galegas do ano vindeiro que estará dedicado a Manuel María.
O poeta Manuel María, autor dunha extensa obra e expoñente do activismo político, representa a conciencia e o compromiso inquebrantable coa lingua galega.
Manuel María Fernández Teixeiro, nado en Outeiro de Rei (Lugo) o 6 de outubro de 1929 e finado na Coruña o 8 de setembro de 2004, foi un poeta, narrador e dramaturgo recoñecido, de extensa obra e inquebrantable compromiso coa lingua galega.
No ano 1943, Manuel María trasladouse a vivir a Lugo, onde cursou o ensino secundario entre o Instituto Masculino e o colexio dos Maristas. Nesa altura entrou en contacto con personalidades como Uxío Novoneyra, Luís Pimentel, Celestino Fernández de la Vega, Ánxel Fole, Álvaro Cunqueiro, Ricardo Carballo Calero e Aquilino Iglesia Alvariño. Chegado o ano 1949, os seus versos viron por primeira vez a luz na revista de poesíaXistral, fundada por Pimentel. O seu primeiro libro tampouco tardou en chegar:Muiñeiro de brétemas publicouse en 1950, cando o autor contaba só 19 anos, o que o converteu no poeta máis novo que publicaba en galego na posguerra. Este primeiro poemario inaugurou a denominada "Escola da Tebra".
No ano 1951 matricúlase en Dereito na Universidade de Santiago de Compostela. Nesta época concibe o libro de poemas Morrendo a cada intre, publicado en 1952, ano no que crea a Editorial Xistral en Lugo. Arredor de 1954 comeza a colaborar na revista Alba. É na casa do director da publicación, Ramón González Alegre, onde coñece a Bernardino Graña e Xosé Luís Méndez Ferrín, ambos profesores do colexio Fingoi. Con este último mantería unha forte relación de amizade.
Nos anos sesenta e setenta, Manuel María atende os chamamentos e peticións que lle chegan de todas as organizacións que, ao longo e ancho do país, andan a traballar pola recuperación cultural: desde impartir conferencias ou recitar poemas a presentar a Nova Canción Galega. A súa obra literaria diversifícase e multiplícase de acordo cos novos tempos: ensaio, narrativa, teatro... sen abandonar o cultivo da poesía. Do existencialismo e o seu pesimismo radical evoluciona cara á unha poesía de compromiso social, canalizando unha resposta nacionalista ao franquismo.
No entanto, a carón do traballo intelectual, o poeta manifestou o seu compromiso na militancia política clandestina que culminaría na súa elección como concelleiro no ano 1979.
A partir da década dos oitenta, a súa poesía acada unha expresión máis íntima e humanista e nestes anos escribe e publica talvez o seu máis rico corpus poético. O poeta participa activamente nas actividades de entidades como a Asociación Socio-Pedagóxica Galega ou a Asociación de Escritores en Lingua Galega e emprende tamén unha serie de viaxes que o levan a diversas partes de Europa. Nesta época son frecuentes as homenaxes, os premios e os recoñecementos.
En 1998 Manuel María e Saleta trasladan a súa residencia á cidade da Coruña, onde pasa os seus últimos anos e onde manterá unha tertulia no Kirs. Manuel María falece o 8 de setembro de 2004.
Revista Rebumbio
Aquí tedes o enlace a unha páxina sobre o deporte galego. Deixemos que eles mesmos se presenten...
Simple á vez que complexo. Rebumbio é unha revista dixital sobre o deporte galego. Porque o noso deporte merece protagonismo. En Galicia temos grandes equipos e grandes deportistas. Eles transmiten mellor ca ninguén a loita, o esforzo, a alegría, a ilusión e a calidade humana dunha xente que vive nun pequeno pero gran territorio. Non daremos noticias, contaremos historias. Porque o deporte galego necesita o seu espazo.
Para entrar, preme na imaxe.
Simple á vez que complexo. Rebumbio é unha revista dixital sobre o deporte galego. Porque o noso deporte merece protagonismo. En Galicia temos grandes equipos e grandes deportistas. Eles transmiten mellor ca ninguén a loita, o esforzo, a alegría, a ilusión e a calidade humana dunha xente que vive nun pequeno pero gran territorio. Non daremos noticias, contaremos historias. Porque o deporte galego necesita o seu espazo.
Para entrar, preme na imaxe.
Día das Letras Galegas 2015
Un novo curso e un novo Día das Letras Galegas, neste caso dedicado a Filgueira Valverde. Nós, comezamos esta xornada festiva bailando todos xuntos "A camiño de Viseu". Todos os alumnos, e por suposto todos os profes, movéronse ao ritmo desta canción.
 |
| Por parellas |
 |
| Todos xuntos |
Un pouquiño máis tarde gozamos do xa tradicional chocolate con rosquillas. Unha delicia para o padal e unha boa excusa para falar cos amigos e para compartir un bo momento.
 |
| Mmm |
 |
| Esperando o turno |
 |
| Quen quere repetir? |
Pola tarde dese venres día 15, volvimos a xuntarnos todos para renderlle unha homenaxe a Filgueira Valverde. O acto, presentado por algúns rapaces e rapazas de 3º da ESO (Laura González, Laura Trapero e Abraham Fernández), tamén contou cun espontáneo "Filgueira" que nos falou da súa vida (Emilio González). Cada curso leu poemas da nosa literatura, e gozamos do maio coa voz de Uxía Fernández (5º B) e o baile de 5º A. Tamén tivemos outras actuacións musicais a cargo de Ana Alonso (5º A), Antía Rouco (6º A) e Jorge Figueroa (6º A). E finalmente, todos cunha soa voz, cantamos o noso himno.
 |
| O Himno Galego abriu o acto |
 |
| Presentado ao noso Filgueira Valverde |
 |
| Lectura de poemas |
 |
| Problemiñas co vento |
 |
| Entrada do Maio |
 |
| O Maio |
 |
| Baile arredor do Maio |
 |
| Día das Letras Galegas 2015 |
Suscribirse a:
Entradas (Atom)